Yanga 1-0 Azam

Dar es Salaam Young Africans wamezidi kujichmbia kileleni mwa Ligi Kuu Tanzania Bara baada ya kuibuka na ushindi wa bao moja kwa bila dhidi ya Azam. Bao pekee la Yanga lilifungwa na Haruna Niyonzima katika dakika ya 31 baada ya kupokea pasi safi toka kwa Jerryson Tegete. Yanga ambao walicheza soka safi na ya kuvutia kipindi cha kwanza wangeweza kupata mabao mengi kama Jerryson Tegete angekuwa makini kwani alipoteza nafasi tatu za wazi. Kipindi cha pili azam walikianza kwa kushambulia wakitafuta bao la kusawazisha lakini golikipa Ally Mustapha Barthez alikuwa imara langoni kuzuia kashikashi zote za John Bocco na Kipre Tchetche. Kwa matokeo hayo sasa Yanga inajitanua kileleni ikiwa na pointi 39 baada ya michezo 17 huku Azam ikibaki na zake 36.